साकेलालाई पुर्ण सरसफाईयुक्त गाउँपालिका बनाउने अभियान शुरु

हलेसी खबर
साकेला, १८ मंसिर । साकेला गाउँ पालिकालाई पूर्ण सरसफाईयुक्त गाउँपालिका बनाउने अभियान शुरु भएको छ । नवयुवा फुलपाती सेवा समाज र साकेला गाउँपालिकाको सहकार्यमा सो अभियानको पहिलो चरणको कार्यक्रम शुरु भएको हो ।
साकेला गाउँपालिकाका सबै वडामा स्वास्थ्य तथा सरसफाई सम्बन्धि सचेतना फैलाउने उदेश्यका साथ पालिकामा विहिबार ५ दिने प्रशिक्षक प्रशिक्षण (त्इत्) तालिम सकिएको छ । गाउँपालिकामा रहेको ५ वटा वडा मध्ये वडा नं १ बाहेकका ४ वटा वडाबाट १५ जनाको सहभागिता रहेको तालिममा पुर्ण स्वास्थ्य सरसफाई सम्बन्धि प्रशिक्षकहरुलाई प्रशिक्षण दिईएको थियो ।
मंसिर १४ गतेबाट शुरु भएको तालिमको विहिबार समापन गर्दै साकेला गाउँपालिकाका अध्यक्ष अर्जुन खड्का झंकारले साकेला गाउँपालिकालाई पुर्ण सरसफाईयुक्त पालिका बनाउने घोषणा गरेका छन् ।
नवयुवा फुलपाती सेवा समाजका अध्यक्ष धनप्रसाद गिरि, कार्यक्रम निर्देशक पेम्बा तामाङ लगायतको उपस्थितीमा भएको कार्यक्रममा मुख्य प्रशिक्षक जनक गिरि र रविन्द्र पुलामी मगरले तालिमको सहजीकरण गरेका थिए ।