काठमाडौंको चावहिलबाट ३५ लाखसहित तीन हुन्डी कारोबारी पक्राउ

काठमाडौं । प्रहरीले काठमाडौंको चावहिलबाट ३४ लाख ८९ हजार रूपैयाँ नगदसहित ३ हुन्डी कारोबारीलाई पक्राउ गरेको छ । महानगरीय प्रहरी परिसर काठमाडौं र गौशाला वृत्तको विशेष टोलीले ३९ लाख ८९ हजार नगदसहित अर्जुन राई, जगत खड्का र सुनिल राईलाई पक्राउ गरेको हो ।
कारोबारीले दुबईबाट अवैधानिक रुपमा नेपालमा रकम ल्याउने र पठाउने कार्यमा सक्रिय रहेको सूचनाका आधारमा रकमसहित पक्राउ गरिएको महानगरीय प्रहरी परिसरले जनाएको छ । उनीहरुका विषयमा थप अनुसन्धान भइरहेको प्रहरीले जनाएको छ ।