झापा। संस्कृति, पर्यटन तथा नागरिक उड्डयन मन्त्री रविन्द्र अधिकारीले ‘वाइडबडी’ विमान खरिद गर्दा व्यापार योजना नै गलत भएको बताएका छन् । मन्त्री अधिकारीले आफ्नो गलत नभइ अघिल्लो सरकारको गल्ती भएको दाबी गरेका छन् ।
झापाको बिर्तामोडमा बुधबार पत्रकारसँग कुरा गर्दै मन्त्री अधिकारीले नेपाल वायुसेवा निगमका दुईवटा ‘वाइडबडी’ विमान खरिद प्रकरणमा आफ्नो संलग्नता नभएको दाबी गर्दै अघिल्लो सरकारकै पालामा खरिद प्रक्रिया गलत भएको बताएका हुन् ।
मन्त्री अधिकारीले भने ती वाइडबडी खरिद गर्दा रकम दिने, सम्झौता, खरिद मिति तोक्ने र गुणस्तर पहिचान गर्ने कुरामा तत्कालिन सरकारले गलत निर्णय गरेको आरोप लगाए । ‘विमान किन्ने प्रक्रिया २०७१ सालबाट सुरु भएको हो, नेपाललाई जहाज चहिन्थ्यो, बिज्नेस प्लान राम्रो भयो–भएन अझै अनुसन्धान आवस्यक छ ।’ मन्त्री अधिकारीले भने ।
