खोटाङ, १३ असोज । खोटाङका एमाले नेता देवान राईले प्रदेश कमिटि उप–सचिवमा उम्मेदवारी दिएका छन् । प्रदेश अध्यक्षका उम्मेदवार घनश्याम खतिवडाको टिमबाट नेता राईले उप–सचिवमा उम्मेदवारी दिएका हुन् । बिराटनगरमा जारी एमालेको प्रदेश अधिबेसनमा राईले उप–सचिवमा उम्मेदवारी दिएको एमाले खोटाङका सचिव कुमार आचार्यले बताए ।
२०४६ देखि राजनीतिमा लागेका राई हाल एमाले प्रदेश कमिटि सदस्य एबं स्वास्थ्य बिभाग प्रमुखको जिम्मेवारीमा छन् । खोटाङबाट दलित सदस्यमा चर्च बिक, महिला सदस्यमा बिणादेबी राई, पुष्पकला भुजेल र दिलकुमारी राई निर्विरोध भएका छन् । यस्तै, चार जना खुला सदस्यका लागि जिल्लाबाट आठ जना र ४० वर्षमुनिको एक सदस्यका लागि तीन जनाको उम्मेदवारी परेको छ । आईतबार बिहान साँढे सात बजेसम्म मनोनयन फिर्ताको समय भएका कारण सहमती जुटाउने प्रयास भइरहेको सचिव आचार्यले बताए ।
एमाले प्रदेश कमिटि अध्यक्षमा खतिवडा र बिनोद ढकाल चुनावी मैदानमा उत्रिएका छन् । अन्य नेता खतिवडाको पक्षमा हुँदा ढकालको पक्षमा भीम आचार्य मात्र उभिएका छन् । प्रदेश समितिमा अध्यक्ष, एक उपाध्यक्ष, एक सचिव र दुई उप–सचिव निर्वाचित हुनेछन् । एमाले कोशी प्रदेश समिति पदाधिकारीसहित २१५ सदस्यीय हुनेछ ।
एमाले प्रदेश कमिटि उप–सचिवमा देवान राईको उम्मेदवारी
Halesi Khabar
0
Shares
तपाईको प्रतिक्रिया
- १. खार्मीमा अस्थायी प्रहरी चौकी स्थापना
- २. दिक्तेल रुपाकोट मझुवागढीले थाल्यो बाँसजन्य वस्तु प्रवद्र्धनको काम
- ३. निर्मलीडाँडाको पेलुङमा अस्थायी प्रहरी चौकी स्थापना
- ४. वन उपभोक्ताका लागि रोजगारी सिर्जना गर्न फलफूल तथा जडीबुटीका बिरुवा
- ५. सालपा विकास बैङ्कमा स्थापना भएको १२ वर्षपछि मोबाइल बैङ्किङ सेवा
- ६. ‘सबैको छोरा–छोरी अखिल क्रान्तिकारी’ भन्ने नारासहित निःशुल्क ट्युसन कक्षा