खाेटाङमा गोरु काटेकाे आराेपमा चार जना पक्राउ

खोटाङ, गोरु काटेर मासु भाग लगाइरहेको अवस्थामा खोटाङमा चार जना पक्राउ परेका छन् ।
ऐंसेलुखर्क गाउँपालिका वडा नम्बर ४ जलेश्वरीस्थित रमितेडाँडामा गोरु काटेर मासु भाग लगाइरहेको अवस्थामा उनीहरु पक्राउ परेका हुन् ।
पक्राउ पर्नेमा जलेश्वरीका २६ वषीय दावा तामाङ, २८ वर्षीय हेमकुमार तामाङ, २६ वर्षका मोहन तामाङ र ३२ वर्षका खियामा तामाङ रहेका छन् । २८ वर्षीय बुद्धिमान तामाङ भने फरार भएका छन्।
गोरु काटेर भाग लगाइरहेको अवस्थामा इलाका प्रहरी कार्यालय ऐंसुलुखर्कले उनीहरुलाई नियन्त्रणमा लिएको जिल्ला प्रहरी कार्यालयका प्रहरी निरीक्षक रोमन अर्यालले जानकारी दिए ।
पक्राउ परेका सबैलाई जिल्ला प्रहरी कार्यालयमा ल्याएर आवश्यक अनुसन्धान तथा कारवाही पकृया अगाडि बढाइएको उनको भनाई छ । फरार तामाङको खोजी कार्य भइरहेको प्रहरीले बताएको छ ।