खोटाङमा मुख्य निर्वाचन अधिकृतको कार्यालय स्थापना

असोज २० खोटाङ,
खोटाङमा मुख्य निर्वाचन अधिकृतको कार्यालय स्थापना गरिएको छ । मंसिर ३ गते हुने प्रतिनिधिसभा सदस्य र प्रदेश सभा सदस्य निर्वाचन सञ्चालनार्थ बिहीबार जिल्ला अदालतमा मुख्य निर्वाचन अधिकृतको कार्यालय स्थापना गरिएको हो ।
जिल्ला अदालतका न्यायाधिश सुवासबाबु पुरीलाई मुख्य निर्वाचन अधिकृत तोकिएको छ ।
१५ असोजदेखि २० असोजसम्म प्रत्येक निर्वाचन क्षेत्रमा एकवटा मुख्य निर्वाचन अधिकृतको कार्यालय स्थापना गर्ने निर्वाचन आयोगको कार्यक्रम तालिका अनुसार यहाँ पनि कार्यालय स्थापना गरिएको हो ।
खोटाङमा करीव १ लाख ४३ हजार मतदाता रहेको जिल्ला निर्वाचन कार्यालयका प्रमुख राजेश गौतमले जानकारी दिए ।