काठमान्डौ,२७ साउन। नेपाली कांग्रेस नेता एवं पूर्वमन्त्री गगनकुमार थापाले वैकल्पिक माध्यमबाट परीक्षा सञ्चालन गर्न ध्यानाकर्षण गराउँदा पनि स्वास्थ्य सुरक्षाका मापदण्ड पालना नगरी परीक्षा सञ्चालन नभएको भन्दै चिन्ता व्यक्त गर्नुभएको छ ।
उहाँले भन्नु भएको छ, ‘वैकल्पिक माध्यमबाट परीक्षा सञ्चालन गर्न ध्यानाकर्षण गराउँदा पनि स्वास्थ्य सुरक्षाका मापदण्ड पालना नगरी परीक्षा सञ्चालन भइरहेका छन् । एउटै हलमा धेरै विद्यार्थी राख्दा हुने संक्रमणको जोखिम त छ नै संक्रमितलाई समेत छुट्टै व्यवस्था नहुदा उनीहरू आफ्नो अवस्था लुकाइ परीक्षा दिन बाध्य छन् ।’ केहि दिनपहिले नेता थापाले प्रधानमन्त्री शेरबहादुर देउवालाई भेटेर विकल्पसहित परीक्षा रोक्न माग गर्नुभएको थियो ।
नेता थापाले लेख्नु भएको छ, ‘एकातिर स्वास्थ्य मन्त्रालयले तेस्रो लहरबारे बताइरहने अर्कोतर्फ यसरी परीक्षा सञ्चालन गरेर संक्रमणको जोखिम बढाइरहने ? कि स्वास्थ्य सुरक्षा मापदण्ड पालना गराऊ नत्र वैकल्पिक माध्यमबाट परीक्षा चलाऊ ! तर, विद्यार्थीको भविष्य र स्वास्थ्यमाथि खेलबाड नगर ।
यस बारेमा हिजो सांझ प्रधानमन्त्रीज्यूलाई भेटेरै ध्यानाकर्षण गराएको छु । उहाँले यो विषयलाई गम्भिरताका साथ लिनुभएको छ र तत्काल पहलकदमी लिई ठोस निणर्य लिने कुराको विश्वास दिलाउनु भएको छ ।’ कक्षा १२ को परीक्षा रोकिएको भए पनि त्रिविले भने परीक्षा स्थगित गरेको छैन ।
वैकल्पिक माध्यमबाट परीक्षा सञ्चालन गर्न ध्यानाकर्षण गराउँदा पनि स्वास्थ्य सुरक्षाका मापदण्ड पालना नगरी परीक्षा सञ्चालन भइरहेका छन्।एउटै हलमा धेरै विद्यार्थी राख्दा हुने संक्रमणको जोखिम त छ नै संक्रमितलाई समेत छुट्टै व्यवस्था नहुदा उनीहरू आफ्नो अवस्था लुकाइ परीक्षा दिन बाध्य छन्।
— Gagan Thapa (@thapagk) August 11, 2021
