हलेसी खबर
खाेटाङ, १७ मंसिर। नेपाली कांग्रेसका वरिष्ठ नेता रामचन्द्र पाैडेललाई अपमान गरेकाे भन्दै खाेटाङमा मशाल जुलुस प्रदर्शन भएकाे छ। कांग्रेस निकट तरुण दल र नेपाल बिद्यार्थी संघकाे अगुवाईमा मशाल जुलुस निकालिएकाे हाे।
तनहुँमा अाफ्ना नेता रामचन्द्र पाैडेललाई प्रहरीले जबर्जस्त नियन्त्रणमा लिएकाले सरकारकाे नियत खराब रहेकाे भन्दै विराेध गरिएकाे छ। नेपाल तरुण दल र नेपाल विद्यार्थी संघ खाेटाङले दिक्तेल बजारकाे भवन गैराबाट त्रिवेणी चाेक सम्म मशाल बालेर विराेध जुलुस निकालेका हुन्। सत्तासिन नेता र सरकारले नाजायज काम गरेकाले विराेधमा निस्कनु परेकाे तरुण दल खाेटाङका अध्यक्ष भिषण राईले बताएका छन् । नेता पाैडेल अाज बुधबार तनहुँमा निषेधाज्ञा तोडेको आरोपमा पक्राउ परेका थिए । उनलाई प्रहरीले ३ घण्टा नियन्त्रणमा राखेर छाडी सकेकाे छ ।
नेता पाैडेललाई ब्यास नगरपालिकामा वडा नम्बर १, १० र ११ जोड्ने तालघरे दुम्सीचौर सडकको बुल्दीखोला पुल उद्घाटन गर्न जाँदा निषेधाज्ञा तोडेको आरोपमा प्रहरीले नियन्त्रणमा लिएकाे थियाे । उनीसहित प्रदेश सांसद सरिता गुरुङ, तनहुँ कांग्रेसका कार्यवाहक अध्यक्ष जीतप्रकाश आले लगायत प्रहरी नियन्त्रमा परेका थिए ।
