पारसको स्वास्थ्य बारे अस्पतालको यस्तो प्रतिक्रिया

काठमाडौं । काठमाडौंस्थित नर्भिक अस्पतालमा उपचाररत पूर्वयुवराज पारस शाहको स्वास्थ्य थप नविग्रिएको तर खतरापूर्ण अवस्थामै रहेको अस्पतालले जनाएको छ । अस्पतालले आज दिउँसो पत्रकार सम्मेलन गरेर शाहको स्वास्थ्य अवस्था ‘स्थिर तर क्रिटिकल भएको जनाएको हो ।
उपचारमा संलग्न डा। यादवदेव भट्टले शाहलाई केही दिन अझै अस्पतालमा राख्नुपर्ने जानकारी दिए । यसअघि शाहलाई भोलि नै डिस्चार्ज गर्ने बताइएको थियो । शाह हिजो छाती दुखेपछि अस्पताल भर्ना हुनु भएको हो । डा। यादवले उच्च निगरानी राख्नुपर्ने भएकाले सिसीयुमै राखिएको बताए ।