नेकपा एसबाट मन्त्री भएका ४ जनाकै नाममा बन्यो यस्तो रेकर्ड ,सुन्ने लाई समेत लाजमर्दो !

काठमाडौं , परमादेशबाट बनेको देउवा सरकारमा मन्त्री बनेका विरोध खतिवडा , प्रेम आले, किसान श्रेष्ठ र रामकुमारी झाँक्रीलाई नेकपा एसले फिर्ता बोलाएको छ । मन्त्रीबाट बाहिरिँदै गर्दा उनीहरुको नाममा लाजमर्दो रेकर्ड समेत बनेको छ ।                    विधी , पद्धती र पारदर्शीताका कुरा गरेर नथाक्ने माधव कुमार नेपालको पार्टीबाट मन्त्री बनेर बाहिरिएका खतिवडा ,झाँक्री, श्रेष्ठ र आलेको नाममा मन्त्रीबाट बाहिरिँदै गर्दा सम्पत्ती विवरण नबुझाइ बाहिरिने मन्त्रीको रेकर्ड बनेको छ ।                                        मन्त्री हुने वित्तिकै अनिवार्य रुपमा बुझाउँनु पर्ने सम्पत्ती विवरणको रेकर्ड एस पार्टीबाट मन्त्री बनेका कसैले पनि बुझाएका थिएनन् । ६ महिनामै मन्त्रीबाट फिर्ता हुन तयार छु भनेर कबुल गरेर मन्त्री बनेकाहरुलाई उक्त पार्टीले फिर्ता बोलाएको छ । बाहिरिँदै गर्दा अपारदर्शीताको दाग उनीहरु माथी लागेको छ ।                          पहिलो पटक शेरबहादुर देउवा नेतृत्वको सरकारका चार मन्त्रीले सम्पत्ति विवरण सार्वजनिक नै नगरी बाहिरिएका छन् । मन्त्री नियुक्त भए लगत्तै सम्पती विवरण सार्वजनिक गर्ने परम्परा तोड्दै देउवा सरकारका चार मन्त्री आफ्नो जिम्मेवारीबाट बाहिरिएका हुन् ।        जसअनुसार माधवकुमार नेपाल नेतृत्वको नेकपा ९एकीकृत समाजवादी० पार्टीबाट सरकारमा प्रतिनिधित्व गर्ने स्वास्थ्य तथा जनसङ्ख्यामन्त्री विरोध खतिवडा, संस्कृति, पर्यटन तथा नागरिक उड्डयनमन्त्री प्रेमबहादुर आले, श्रम, रोजगार तथा सामाजिक सुरक्षामन्त्री कृष्णकुमार श्रेष्ठ र सहरी विकासमन्त्री रामकुमारी झाँक्री रहेका छन् ।                                                                    यसअघि सरकारका सबै मन्त्रीहरूले सम्पत्ति विवरण सार्वजनिक गर्दै आए पनि प्रधानमन्त्री देउवाले पटकपटक मन्त्रिमण्डल हेरफेर गर्दा पनि सम्पत्ति विवरण सार्वजनिक नगरेर नयाँ रेकर्ड कायम गरेका छन् ।                                                                                एकीकृत समाजवादीले चार मन्त्रीलाई फिर्ता बोलाउने निर्णय गरेलगत्तै स्वास्थ्य तथा जनसङ्ख्या राज्यमन्त्री भवानी खापुङलाई बढुवा गर्दै फुल मन्त्री बनाएर सोही मन्त्रालयको जिम्मेवार दिइएको छ । सोही पार्टीका जीवनराम श्रेष्ठ पर्यटन मन्त्रालय, मेटमणि चौधरी शहरी विकास मन्त्रालय र शेरबहादुर कुँवरले श्रम मन्त्रालयको जिम्मेवारी प्राप्त गर्ने भएका छन् भने बढुवा भएका खापुङको स्वास्थ्य राज्य मन्त्रीको स्थानमा हिराचन्द्र केसीले जिम्मेवारी पाएका छन् ।