कांग्रेस त्यागेर सिंगो गाउँ नै एमालेमा प्रवेश, रामेछापदेखि बालकोट आएर अध्यक्ष ओलीबाट लगाए खादा

भक्तपुर, जेठ २१ । स्थानीय तहको निर्वाचन लगत्तै पनि अन्य पार्टी छोडेर एमाले प्रवेश गर्ने लहर रोकिएको छैन । आज पनि अध्यक्ष केपी शर्मा ओलीको निवास बालकोट पुगेर रामेछापको एउटा टोलै एमालेमा प्रवेश गरेको छ ।                                            एमाले रामेछाप नगरपालिका नगर कमिटीका सचिव सुन्दर घिमिरेका अनुसार वडा नं ४ को हिमगाउँ टोलका सबै घरका एकजनाका दरले एमाले प्रवेश गरेका हुन् । उनीहरु सबै काँग्रेसका क्रियाशिल सदस्य रहेको घिमिरेले बताउनुभयो । प्रवेश गर्ने सबै मगर समुदायका छन् ।उनीहरुलाई नेकपा एमालेका अध्यक्ष ओली,केन्द्रीयहरु सदस्य गीता कार्की,दुर्गा प्रसाईं र सुनिता बरालले अबिर लगाएर एमालेमा स्वागत गर्नुभएको छ ।                                                                  अध्यक्ष ओलीले पुष्पलाल जन्मेको जिल्लामा एमाले बाहेक अरुले चुनाव जित्नु नहुने बताउनुभयो । यसपाली अनेक तरहले गठबन्धनले चुनाव जिते पनि आउने चुनावमा यसैगरी गाउँ टोलै समाहित भएर एमालेलाई जिताउनु पर्ने अध्यक्ष ओलीले बताउनुभयो । नव पार्टी प्रवेशी मगर समुदायले अध्यक्ष ओलीसँग तीनवटा माग राखेका छन् । उनीहरुको नेतृत्व गर्दै कुमार मगरले अधयक्ष ओलीसँग तीनवटा माग राख्नुभएको हो ।                                पहिलो गाउँमा २३ किलोमिटर सडकको भाडा ५ सय रुपैंया तिर्नुपर्दछ । त्यो भाडा घटाइदिनुहोस । दोस्रो रामेछापको हिमगाउँ मगरहरुको पुरानो थातथलो हो त्यहाँ एउटा मगर संग्राहलय बनाइदिनुहोस । तेस्रो गाउँमा फूटबल खेल्न रहर गर्ने किशोर र युवाहरु धेरै छन् । तर मैदान छैन । त्यसैले हामीलाई गाउँमा फूटबल मैदान बनाइदिनुहोस । अध्यक्ष ओलीले ति मागहरु पुरा गर्न कुनै समस्या नपर्ने बताउनुभएको छ । ‘तपाईंहरुका माग ठूला छैनन् । सबैका हितमा पनि छन् । पुरा हुन्छन्’ अध्यक्ष ओलीको भनाइ उधृत गर्दै घिमिरेले भन्नुभयो ।