अनेम सङ्घ खोटाङको संयोजकमा दिलकुमारी

खोटाङ, ६ वैशाख । नेकपा एमालेको भातृ सङ्गठन अखिल नेपाल महिला सङ्घ ९अनेमसङ्घ० खोटाङको बिस्तारित बैठकले दिलकुमारी राईको संयोजकत्वमा ६१ सदस्य जिल्ला आयोजक कमिटि गठन गरेको छ । बैठकले सह–संयोजकमा धनकुमारी श्रेष्ठ र सचिव रेजिना आचार्य सर्वसहमत चयन गरेको अनेमसङ्घ खोटाङको ईन्चार्ज विणादेवी राईले जानकारी दिनुभयो ।
जिल्ला समन्वय समितिको हलमा भएको कार्यक्रममा प्रमुख अतिथि हरिकुमार पोखरेल, एमाले खोटाङका उपाध्यक्ष देवविक्रम राई, दिक्तेल रुपाकोट मझुवागढी नगरपालिकाका नगरप्रमुख दीपनारायण रिजाल, नगर कमिटि अध्यक्ष गोपालचन्द्र आचार्य लगायतले शुभकामना दिनुभएको छ ।
कार्यक्रममा बराहपोखरी गाउँपालिकाका उपप्रमुख गोमा मगर, ऐसेलुखर्क गाउँपालिका उपप्रमुख पुष्पकला भुजेल, केपिलासगढी गाउँपालिका उपप्रमुख हीराकुमारी वन, खोटेहाङ गाउँपालिका उपप्रमुख कविता राई, जन्तेढुङ्गा गाउँपालिका उपप्रमुख विमला राई लगायतको सहभागिता रहेको थियो ।
भेलाले चन्द्रकला भुजेलको संयोजकत्वमा ४५ सदस्य नगर आयोजक कमिटिसमेत गठन गरेको जनाइएको छ । कमिटिको सह–संयोजकमा आइकुमारी राई र सचिव शशिकला राई रहनुभएको छ ।