एमालेले सार्वजनिक गर्यो निर्वाचन कार्यतालिका

Halesi Khabar

काठमाडौं, ८ मंसिर । नेकपा एमालेले दशौँ राष्ट्रिय महाधिवेशनको निर्वाचन कार्यतालिका सार्वजनिक गरेको छ । मंगलवार बसेको स्थायी कमिटी बैठकमा केन्द्रीय निर्वाचन आयोगका अध्यक्ष डा. बिजय सुब्बाले निर्वाचन कार्यतालिका पेश गर्नुभएको हो ।

कार्यतालिका अनुसार महाधिवेशनमा मंसिर ११ गते उम्मेदवारी दर्ता र १२ गते मतदान हुने भएको हो । एमाले प्रचार विभाग प्रमुख एवम् सचिव योगेश भट्टराईका अनुसार आगामि मंसिर ११ गते उम्मेदवारी दर्ता, फिर्ता लगायतका प्रक्रिया पूरा हुनेछ । १२ गते विहान ८ बजे नै मतदान सुरु हुनेछ । उहाँले भन्नुभयो, “एमाले महाधिवेशनको उद्घाटन मंसिर १० गते चितवनको नारायणी नदी किनारमा हुनेछ ।” त्यही दिन साँझ केन्द्रीय कमिटीको अन्तिम बैठक बस्ने प्रचार विभाग प्रमुख एवम् सचिव भट्टराइले जानकारी दिनुभयो ।

तपाईको प्रतिक्रिया