लेकाली क्षेत्रमा भारी हिमपात, जनजीवन कष्टकर

खोटाङ, १५ माघ ः जिल्लाको लेकाली क्षेत्रमा भारी हिमपात भएको छ । मङ्गलबार अपरान्ह चार बजेतिर परेको वर्षासँगै भारी हिमपात भएको हो ।
हिमपातका कारण चिसो बढेपछि जनजीवन कष्टकर बनेको छ । जिल्लाको प्रमुख व्यापारिक केन्द्र दिक्तेलबजारमा समेत हिमपात भएको छ ।
लेकाली क्षेत्रमा पर्ने मुडेमा करीब डेढ फिट हिउँ झरेको स्थानीय नैनबहादुर तामाङले बताउनुभएको छ । जिल्लामा करीब दश वर्षपछि यति धेरै हिउँ परेको हो ।